Корея Республикаси миллий мудофаа вазирлиги THAAD ракетага қарши мудофаа тизимидан фойдаланиш бўйича харажатларни айнан АҚШ тўлаши кераклигини маълум қилди, деб ёзади «ТАСС».
Вазирлик тарқатган баёнотда айтилишича, Жанубий Корея ўзининг «асосий позицияси»ни ўзгартирмаган — мамлакат ҳукумати АҚШга тизимни жойлаштириш учун ўз ҳудудини тақдим этмоқда, холос. АҚШга эса уни ўрнатиш ва бошқариш учун жавобгарлик юкланади.
Аввалроқ АҚШ президенти Дональд Трамп Корея Республикасига унинг ҳудудига Американинг THAAD ракетага қарши мудофаа тизимини ўрнатгани учун 1 миллиард доллар тўлов учун ҳисоб юбормоқчи эканлигини айтган эди.
Изоҳ (0)