Бугун,

  • USD 11095.31
  • RUB 173.84
  • EUR 10772.44

«Ўзбекистон» халқаро анжуманлар саройида таниқли дирижёр Владимир Спиваков раҳбарлигидаги Россия Миллий филармоник оркестрининг концерти бўлиб ўтди, деб хабар бермоқда ЎзА.

Фото: ЎзА

Фото: ЎзА

«Баҳор нафаси» халқаро санъат фестивали доирасида ташкил этилган ушбу концертда Россиянинг Болшой театри опера труппаси солисти, халқаро танловлар совриндори Анна Аглатова (сопрано), Москва шаҳридаги Й.Колобова номидаги «Новая опера» театри солисти Василий Ладюк (баритон) ҳамда Ўзбекистон халқ артисти Рамиз Усмонов (тенор) иштирок этди.

«Ўзбекистонга келганимдан, ўзбек томошабинлари билан яна учрашаётганимдан ғоят мамнунман, – деди Владимир Спиваков. – Серқуёш, меҳмондўст, бой тарихий, маданий-маърифий, илмий меросга эга бу диёр юрагимнинг бир бўлагига айланиб қолган. Ўзбекистон истеъдодларга бой мамлакат. Ушбу концерт маданий алоқаларимизни янада ривожлантиришда муҳим аҳамият касб этади».

Муҳташам залда томошабинлар Россинининг «Севильялик сартарош», Доницеттининг «Дон Паскуале», Вердининг «Сицилия оқшоми», «Риголетто», Бизенинг «Кармен» каби операларидан ижро этилган увертюра, ария, каватина, куплетларни олқишлар билан кутиб олди. Концерт якунида Вердининг «Травиата» операсидан «Дастурхон атрофида» қўшиғини санъаткорлар томошабинларнинг қарсаклари жўрлигида куйлади.

«Дарё»нинг Telegram’даги расмий канали — @toshqindaryo’га аъзо бўлинг!

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати