Bugun,

  • USD 11095.31
  • RUB 173.84
  • EUR 10772.44

“O‘zbekiston” xalqaro anjumanlar saroyida taniqli dirijyor Vladimir Spivakov rahbarligidagi Rossiya Milliy filarmonik orkestrining konserti bo‘lib o‘tdi, deb xabar bermoqda O‘zA.

Foto: O‘zA

Foto: O‘zA

“Bahor nafasi” xalqaro san’at festivali doirasida tashkil etilgan ushbu konsertda Rossiyaning Bolshoy teatri opera truppasi solisti, xalqaro tanlovlar sovrindori Anna Aglatova (soprano), Moskva shahridagi Y.Kolobova nomidagi “Novaya opera” teatri solisti Vasiliy Ladyuk (bariton) hamda O‘zbekiston xalq artisti Ramiz Usmonov (tenor) ishtirok etdi.

“O‘zbekistonga kelganimdan, o‘zbek tomoshabinlari bilan yana uchrashayotganimdan g‘oyat mamnunman, – dedi Vladimir Spivakov. – Serquyosh, mehmondo‘st, boy tarixiy, madaniy-ma’rifiy, ilmiy merosga ega bu diyor yuragimning bir bo‘lagiga aylanib qolgan. O‘zbekiston iste’dodlarga boy mamlakat. Ushbu konsert madaniy aloqalarimizni yanada rivojlantirishda muhim ahamiyat kasb etadi”.

Muhtasham zalda tomoshabinlar Rossinining “Sevilyalik sartarosh”, Donitsettining “Don Paskuale”, Verdining “Sitsiliya oqshomi”, “Rigoletto”, Bizening “Karmen” kabi operalaridan ijro etilgan uvertyura, ariya, kavatina, kupletlarni olqishlar bilan kutib oldi. Konsert yakunida Verdining “Traviata” operasidan “Dasturxon atrofida” qo‘shig‘ini san’atkorlar tomoshabinlarning qarsaklari jo‘rligida kuyladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Sport
Messining “Barselona”ga qaytish ehtimoli bor. Xavi va Leo doimiy aloqada bo‘lib turibdi 
Mahalliy
Farg‘onada Qirg‘izistondan keltirilgan psixotrop moddalar savdosi bilan shug‘ullanganlar ushlandi
Mahalliy
Qashqadaryo viloyatida qurilgan namunali uylar qulab tushish arafasida ekani aytilmoqda (video)