Ўзбекистон Президенти Шавкат Мирзиёев 26 апрель куни Туркия ташқи ишлар вазири Мавлуд Чавушўғлини қабул қилди. Учрашувдан сўнг вазир суҳбат тафсилотлари, икки мамлакат ўртасидаги ҳамкорлик алоқаларининг истиқболлари ҳақида ЎзАга қисқача интервью берди.
Аввало, самимий қабул учун Президент Шавкат Мирзиёевга чуқур миннатдорлик билдираман. Туркия Ўзбекистонни Марказий Осиёдаги муҳим ва узоқ муддатли ҳамкори сифатида билади, ўртадаги дўстлик ришталарини мустаҳкамлаш, ҳамкорликни ўзаро ишонч тамойиллари асосида ривожлантириш тарафдори.«Дарё»нинг Telegram’даги расмий канали — @toshqindaryo’га аъзо бўлинг!Президентлар Шавкат Мирзиёев ва Ражаб Тоййиб Эрдўғоннинг 2016 йил ноябрь ойида Самарқанд шаҳрида бўлиб ўтган учрашувида бугунги ҳамкорлик муносабатлари Ўзбекистон ва Туркиянинг имконият ва салоҳиятига мос эмаслиги таъкидланиб, икки давлат ўртасидаги ўзаро ишонч муҳитини мустаҳкамлаш масаласи муҳокама қилинган, ташқи сиёсат маҳкамаларининг мунтазам маслаҳатлашувларини ташкил қилиш, халқаро ташкилотлар доирасида бир-бирини қўллаб-қувватлаш, ҳамкорликнинг янги саҳифаларини очиш борасида самарали келишувларга эришилган эди.
Икки мамлакат ҳамкорлигини ривожлантиришда янги лойиҳаларни амалга ошириш кўзда тутилган. Ушбу режаларни ҳаётга татбиқ этишда Самарқанд вилоятида барпо этилаётган «Ургут» эркин иқтисодий зонаси муҳим қадам бўлди.
Мамлакатларимиз ўртасидаги муносабатларда маданий-гуманитар ҳамкорлик алоҳида ўрин тутади. Бу борадаги шерикликни ривожлантириш масалаларига ҳам алоҳида эътибор қаратилмоқда.
Туркиянинг етакчи туристик компанияларини жалб этган ҳолда Ўзбекистонда сайёҳлик инфратузилмасини янада ривожлантириш, Самарқанд, Бухоро, Хоразм ва Тошкент вилоятларида халқаро талабларга мос замонавий сайёҳлик мажмуалари барпо этиш имкониятлари кўриб чиқилмоқда.
Ўзбекистон Президенти Шавкат Мирзиёев ҳузуридаги қабулда муҳокама қилинган масалалар, давлатларимиз раҳбарлари ўртасида эришилган келишувлар муносабатларимизни янги босқичга кўтариб, ўзаро манфаатли ҳамкорликнинг янги саҳифаларини очишга хизмат қилишига ишонамиз.
Мавлуд Чавушўғли, Туркия ташқи ишлар вазири
Изоҳ (0)