Ўзбекистон футбол федерацияси қошида ташкил этилган Терма жамоалар маркази ёпилиши мумкин. Бу ҳақда «Championat.asia» маълумот берди.
Нашр шу ҳақдаги савол билан ЎФФ матбуот хизматига мурожаат қилганида, жавобига на тасдиқ ва на инкор олди.
Маълумот учун, Терма жамоалар маркази барча ёшдаги Ўзбекистон термаларига жавобгар бўлган ташкилотдир. Унга Асқар Толибжонов раҳбарлик қилиб келаётганди.
Норасмий маълумотларга кўра, Ўзбекистон миллий терма жамоасини Самвел Бабаян қабул қилиб олгач, айнан бош жамоа Асқар Толибжонов раҳбарлик қиладиган ташкилотдан ажратиб олиниб, алоҳида фаолият кўрсатаётганди. Яъни, Толибжонов миллий терма жамоанинг эмас, қолган термалар фаолиятига жавобгар бўлиб қолганди.
Изоҳ (0)