Испания Ла лигасининг 33-турига келиб «Реал Мадрид» ва «Барселона» клублари жорий мавсум ҳисобидан иккинчи бор тўқнаш келди. Томонларнинг биринчи давра «Камп Ноу»да ўтган ўйинида 1:1 ҳисоби қайд этилганди.
«Сантьяго Бернабеу» аренасида «Қироллик клуби»ни таъқиб қилиб келаётган «Барселона» футболчилари сўнгги дақиқада ғалабани илиб кетишга муваффақ бўлди. Лионель Мессининг ҳакам томонидан қўшиб берилган дақиқаларда урган голи Каталония клубини турнир жадвалида пешқадамга айлантирди.
Бунга қадар Зинедин Зидан бошқарувида «Реал» футболчилари «Эль-Класико»ни бой бериб улгурмаганди. Кечаги ўйинда гарчи ҳисоб Мадрид клуби томонидан очилган бўлса-да, якунда омад «Барселона»га кулиб боқди. Серхио Рамоснинг 77-дақиқага келиб майдондан четлатилгани ўйинга ўз таъсирини ўтказди.
«Реал»да чемпион бўлиш имконияти барибир сақланиб турибди. Айни пайтга келиб ҳар икки клуб бир хил очкога эга бўлса-да, Зидан жамоаси битта кам ўйинда майдонга тушган. Қолдирилган беллашув Вигода «Сельта»га қарши бўлиб ўтади.
Европа лигасининг ярим финалига қадар етиб келган ва Англиянинг «Манчестер Юнайтед» клубига рақиб бўлган «Сельта» кеча ўз майдонида «Бетис»га имкониятни бой берди.
Ла лига 33-туридан жой олган қолган ўйинлар натижаси билан шу ҳаволада танишиш мумкин. Мазкур тур бугун бўлиб ўтадиган «Эйбар» — «Атлетик» ўйини билан ўз якунига етади.
Испания Ла лигаси 33-тур ўйинлари 23 апрель, якшанба
«Реал Сосьедад» — «Депортиво» 1:0
Гол: Виллиан, 28 (1:0).«Сельта» — «Бетис» 0:1
Гол: Дарко Брашанац, 54 (0:1).«Лас-Пальмас» — «Алавес» 1:1
Голлар: Кевин-Принс Боатенг, 44 (1:0). Ибаи Гомес, 61 (1:1).Четлатиш: Марко Ливайя, 86 (Л).«Реал Мадрид» — «Барселона» 2:3
Голлар: Каземиро, 28 (1:0). Лионель Месси, 33 (1:1). Иван Ракитич, 73 (1:2). Хамес Родригес, 85 (2:2). Лионель Месси, 90+2 (2:3).Четлатиш: Серхио Рамос, 77 (Р).24 апрель, душанба«Эйбар» — «Атлетик» — 23:45
Изоҳ (0)