Ўзбекистон Президенти Шавкат Мирзиёев 21 апрель куни Тошкент шаҳрининг Олмазор туманидаги «Табассум» маҳалласида бўлиб, унинг ҳаёти билан танишди ва аҳоли билан мулоқот қилди, дея хабар бермоқда ЎзА.
Учрашувда туманни ижтимоий-иқтисодий ривожлантириш бўйича ислоҳотлар, ёшлар маънавиятини юксалтириш, китобхонлик маданиятини ошириш борасида амалга оширилаётган ишлар ҳақида фикр алмашилди.
Маҳаллалар том маънода маданият ва маънавият масканига айланмоғи лозим, бунинг учун аҳоли, айниқса, ёшларнинг китобга қизиқишини ошириш зарур. Китоб инсонга билим беради, унинг маънавий оламини бойитади, Ватанни севишга ўргатади.Табассум маҳалласидаги 27 кўп қаватли уйда 5 минг 300 дан зиёд турли миллат вакиллари истиқомат қилади. Маҳалла фуқаролар йиғини маркази биносида қурилиш ишлари амалга оширилмоқда.Шавкат Мирзиёев, Ўзбекистон Президенти
Бу ерда маҳалла раиси, котиб ва маслаҳатчилар, профилактика инспектори учун алоҳида хизмат хоналари бўлиши кўзда тутилган. Сартарошхона, «Гўзаллик салони», савдо дўкони, новвойхона қуриш режалаштирилган.
Яқинда маҳалла ҳудудида болалар майдончаси, мини-футбол майдони қурилиб, фойдаланишга топширилди. Бу маҳалла ёшлари учун яна бир қулайлик бўлди.
Ҳар бир раҳбар одамларнинг дардига қулоқ солиши, муаммоларини ҳал қилиши, бир сўз билан айтганда, уларни рози қилиши, ташвиши билан ишлаши керак. Шундагина уларнинг давлатга, келажакка ишончи ортади. Маҳаллаларни обод қилиш, халққа барча қулай шароитларни яратиш бу борада муҳим аҳамиятга эга.Шавкат Мирзиёев, Ўзбекистон Президенти
Ўзбекистон Президенти маҳалладаги кўп қаватли уйлар, мактабгача таълим муассасалари атрофини ободонлаштириш, йўлакларни таъмирлаш бўйича мутасаддиларга кўрсатмалар берди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)