Вашингтон томонидан Корея яриморолига жўнатилган авиаташувчи гуруҳ ҳақиқий ҳарбий тузилма ҳисобланади. Бу ҳақда АҚШ президенти Дональд Трамп Fox Business телеканалига берган интервьюси чоғида маълум қилди, дея хабар беради «ТАСС».
«Кореяга ўта қудратли тузилмани юборяпмиз. Бизда жуда кучли сувости кемалари ҳам бор. КХДР етакчисига келсак, у нотўғри ҳаракат қиляпти», — дея таъкидлади Трамп.
АҚШ қуролли кучлари Тинч океани қўмондонлиги Carl Vinson оғир атом авиаташувчиси бошқа кемалар ҳамроҳлигида Корея яриморолига йўл олаётганини тасдиқлади.
Жанговар гуруҳ таркибига авиаташувчидан ташқари CVW-2 (Carrier Air Wing) палуба авиақаноти, Michael Murphy ва Wayne E. Meyer ракета эсминецлари, шунингдек, Lake Champlain ракета крейсери ҳам киритилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)