АҚШ ва Россия Сурияда икки мамлакат қуролли кучлари ўртасида кўзда тутилмаган ҳолатларнинг олдини олишга қаратилган алоқаларни тўхтатмайди. Бу ҳақда Reuters манбаси маълум қилди, дея хабар беради Meduza.
Манбага кўра, «Вашингтон Москвадан алоқалар кучда қолиши тасдиғини олган».
Associated Press агентлигининг Америка қуролли кучларидаги юқори мартабали манбаси ҳам томонлар тўқнашувларнинг олдини олиш бўйича шошилинч алоқа каналларини сақлаб қолганини билдирди. АҚШ мудофаа вазирлиги расмий вакили Эдриан Ранкин-Геллоуэй вазирлик мазкур канал ёрдамидаги «мулоқотдан умидини узмагани»ни маълум қилди.
Шу билан бирга, Россия мудофаа вазирлиги вакили Игорь Конашенков алоқалар сақлаб қолингани ҳақидаги хабарлар «мутлақо ҳақиқатга тўғри келмаслиги»ни таъкидлади.
Унинг айтишича, 7 апрель куни АҚШнинг Москвадаги элчихонаси ҳарбий атташесига Россия томонидан тегишли мажбуриятларнинг бажарилиши 8 апрель, шанба куни тундан бошлаб тўхтатилиши ҳақидаги нота топширилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)