Бугун,

  • USD 11095.31
  • RUB 173.84
  • EUR 10772.44

Таиланд пойтахти Бангкок шаҳрида бокс бўйича ўтказилган Қирол кубоги–2017 халқаро турнирининг финал жанглари бўлиб ўтди.

Фото: «Sports.uz»

Фото: «Sports.uz»

Ўзбекистон терма жамоаси мураббийлар кенгаши қарорига кўра, финалга йўл олган тўрт нафар ўзбекистонлик боксчидан икки нафари – Ҳасанбой Дўсматов ва Шаҳрам Ғиёсов финал жангида ўтказиб юборган бўлса, Исроил Мадримов ва Элнур Абдураимов финалда ўз омадларини синаб кўрди.

«Sports.uz» нашрининг маълум қилишича, -64 килограмм вазн тоифасида рингга кўтарилган Элнур Абдураимов мезбонлар вакили Вуттичаи Масук билан куч синашиб, имкониятни бой бериб қўйди ва мусобақанинг кумуш медалини қўлга киритди.

-75 килограмм вазн тоифасида рингга чиққан Исроил Мадримов кубалик Ослей Иглесиас Эстрада устидан ғалаба қозониб, Ўзбекистон делегациясига ягона олтин медални олиб келди.

Фото: «Sports.uz»

Фото: «Sports.uz»

Эслатиб ўтамиз, Таиланддаги Қирол Кубоги–2017 мусобақасида Ўзбекистон шарафини ҳимоя Жасурбек Латипов (-52 кг), Шаҳобиддин Зоиров (-56 кг) ва Муроджон Аҳмадалиев (-60 кг) ярим финалда ўз юришини тўхтатиб, бронза медали билан чекланди.

«Дарё»нинг Telegram’даги расмий канали — @toshqindaryo’га аъзо бўлинг!

Изоҳ
Asosiy yangiliklar
Дунё
Туркияда депутатлар давлат бюджети муҳокамасида муштлашди (видео)
Маҳаллий
Намангандаги кўмир машмашаси: аҳоли учун кўмир сотиб олиш — оворагарчилик, раҳбарлар эса кўмирга талаб унинг сифати яхшилигидан демоқда (видео)
Маҳаллий
Тошкентда зўравонликка қарши кураш бўйича халқаро анжуман — суратларда