Ушбу йўриқномада арзон, аммо сифатли планшет танлаш ҳақида гапирамиз.
Экран
Биринчидан, экран ўлчамини аниқлаштириб олинг. Сиз 7 дюймли портатив планшет истайсизми ёки каттароқ қурилманими? Сизга айнан қайсиниси мос келишини биз билмаймиз, бироқ умуман олганда, планшетни доим ўзингиз билан олиб юрмоқчи бўлсангиз, 7—8 дюймлисини, уйда фойдаланмоқчи бўлсангиз, 9—10 дюймлисини танлаганингиз маъқул.Хотира
Арзон планшетнинг хотираси катта бўлишига умид қилманг, бироқ сиз танлаган қурилмада қўшимча хотира учун microSD слоти бўлса — яхши.Минимум сифатида 16 Гб хотирани танланг: 8 Гб ички хотира, қўшимча хотира картасини ўрнатиш имкони бўлмаса, ишингизни ғоятда чеклайди, унинг ярми (ёки ундан ҳам кўпроғи) операцион тизим ва олдиндан ўрнатилган дастурлар билан банд бўлади.
Камералар
Кўпчилик планшетларнинг камералари (арзон планшетларни қўя туринг) смартфонлар камераларига қараганда анча оддий бўлади. Арзон планшетда чиройли сурат ёки видеолар туширишга умид қилманг. Аммо бу сиз учун муҳим бўлса, планшетлар хусусиятларини ўрганиб, нисбатан яхшироқ камераси бўлганларини танланг.Процессор
ГГц рақамлари ва ҳатто тезкор хотирага ҳам диққат қаратманг. Мобил процессорларнинг хилма-хиллиги ҳатто тажрибали фойдаланувчиларни ҳам чалғитади, шу туфайли сиз маҳсулдорликни ГГцга асосланиб баҳоламанг. Энг яхшиси — реал фойдаланувчиларнинг фикрларини ўқинг.Дастурий таъминот
Сиз билишингиз керак бўлган сўнгги нарса — бозордаги арзон планшетларнинг деярли ҳаммасига Android операцион тизими ўрнатилган бўлади. У фойдаланиш жуда осон бўлган ва iOS’дан қолишмайдиган тизим.Бугунги кунда Google Play дўкони бўлмаган қурилмани учратиш жуда қийин, аммо барибир текшириб кўринг, чунки планшет сотиб олганингиздан кейин у Google томонидан тасдиқланмаганини ва Google дастурларини юклаб ололмаслигингизни ўрганиш — жуда кўнгилсиз ҳолат.
Манба: «Howtablet.ru»
Изоҳ (0)