Тошкент шаҳар ҳокимиятида 2017 йил 5 апрелда пойтахтдаги коммунал хизматлар фаолияти юзасидан бўлиб ўтган матбуот анжуманида аҳоли турар жойларини куз—қиш мавсумида иситиш тизими фаолиятига боғлиқ саволларга соҳа мутасаддилари жавоб берди.
«Тошиссиққуввати» ИЧБ УК бош директори Баҳром Қурбонбеков томонидан маълум қилинишича, Вазирлар Маҳкамасининг 2014 йил 15 июлдаги 194-сонли қарорига биноан, мавсум бошланишида ташқи ҳарорат кетма-кет беш кун ўртача саккиз даражадан паст бўлса, хонадонларни иситиш тизими ишга туширилади. Мавсум охирига келиб, ташқи ҳарорат кетма-кет беш кун ўртача саккиз даражадан юқори бўлса иситиш тизими ўчирилади.
Таъкидланишича, хонадонларни куз—қиш мавсумида иситиш 148 кун қилиб белгиланган. Ўз ниҳоясига етган мавсумда пойтахтдаги хонадонларда 155 кун иситиш тизими ишлаган. Тошкент шаҳар ҳокимининг 2017 йил 23 мартдаги 299-сон қарорига асосан 24 март соат 10:00 дан бошлаб куз—қиш мавсуми ўз ниҳоясига етган ҳисобланиб, иситиш тизими ўчирила бошланган.
Аҳолига иссиқлик қуввати учун тўловларни амалга оширишда енгиллик яратиш мақсадида 148 кунлик куз—қиш мавсуми учун тўлов бир йилга тенг тақсимлангани қўшимча қилинди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)