«Тошиссиққуввати» Ишлаб чиқариш бирлашмаси унитар корхонаси томонидан маълум қилинишича, пойтахт аҳолисининг иссиқ сув ва иситиш тизими бўйича қарздорлиги 2017 йил 1 апрель ҳолатига 96 миллиард сўмни ташкил қилди. Бу ҳақда Тошкент шаҳар ҳокимиятида пойтахтдаги коммунал хизматлар фаолияти юзасидан бўлиб ўтган матбуот анжуманида хабар берилди.
Таъкидланишича, қарздорлик миқдори ўтган йилга нисбатан 8 фоизга камайган. Шунингдек, «Сувсоз» давлат унитар корхонаси пойтахт аҳолисининг совуқ сув бўйича қарздорлиги ҳозирги вақтда 17 миллиард сўмни ташкил қилишини маълум қилди.
Маълумот учун, Тошкент шаҳри қуввати суткасига 2326000 куб метр бўлган еттита сув иншооти ҳисобига ичимлик суви билан таъминланади. Жами ичимлик сув тармоқлари узунлиги 3628,5 километр, ичимлик суви билан таъминланганлик даражаси 99,7 фоизни ташкил қилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)