Россияда давлат ташрифи билан бўлиб турган Ўзбекистон Президенти Шавкат Мирзиёев 5 апрель, чоршанба куни россиялик ҳамкасби Владимир Путин билан бирга Москвадаги музейлардан бирига ташриф буюриши кутилмоқда. Бу ҳақда «РИА Новости» хабар бермоқда.
«Ҳозирда Ўзбекистон Президенти давлат ташрифининг икки томонлама қисми давом этмоқда, ҳозир тор доирадаги музокаралар бўлиб ўтмоқда, шундан кейин кенгайтирилган таркибдаги музокаралар бўлиб ўтади», — деди Россия президенти матбуот котиби Дмитрий Песков.
Унинг сўзларига кўра, шундан сўнг расмий тушлик режалаштирилган ва кейин президентлар Москвадаги музейлардан бирига ташриф буюриши эҳтимоли бор.
Песковнинг қўшимча қилишича, бу воқеа «кечроқ, куннинг иккинчи ярмида юз бериши мумкин».
Маълумот учун, 5 апрель куни Москвадаги Пушкин номидаги музейда Қорақалпоғистондаги Савицкий музейи кўргазмаси очилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)