Ўзбекистон Афғонистондаги вазият бўйича Россиянинг нуқтаи назарини қўллаб-қувватлайди. Бу ҳақда Ўзбекистон Президенти Шавкат Мирзиёев Россия президенти Владимир Путин билан суҳбат давомида айтиб ўтди, дея хабар бермоқда «ТАСС».
«Биз Афғонистон масаласида илгари сураётган ташаббуслари бўйича Россияга тўлиқ кўмак кўрсатамиз ва уни қўллаб-қувватлаймиз. 14 апрель куни Афғонистон масаласида бўладиган учрашувда Ўзбекистон идоралари вакиллари ҳам албатта қатнашади», — деди Ўзбекистон Президенти.
Шавкат Мирзиёевнинг қайд этишича, Афғонистондаги тинчлик ва фаровонлик Ўзбекистон учун катта аҳамиятга эга. Ўзбекистон Президенти Афғонистонда барқарорликни таъминлаш бўйича Россиянинг саъй-ҳаракатларида фаол қатнашади.
Ўзбекистон Президентининг қўшимча қилишича, Ўзбекистон ва Россия ўртасидаги стратегик шериклик ва иттифоқчилик муносабатларини янада ривожлантирмоқ зарур.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)