АҚШ президенти Дональд Трамп ўзининг биринчи чораклик учун маошини АҚШ Миллий боғ хизмати ҳисобига ўтказди, деб ёзади «РБК». Оқ уй матбуот котиби Шон Спайсер сўзларига кўра, сумма тахминан 78 минг долларни ташкил қилган.
The New York Times хабар беришича, Оқ уй вакили Трамп имзолаган чекни мамлакат ички ишлар вазири Райан Зинкега топширган, Миллий боғ хизмати айнан шу муассаса таркибига киради.
Эслатиб ўтамиз, 2016 йил ноябрда АҚШнинг сайланган президенти Дональд Трамп йилига 400 минг долларлик президент маошидан воз кечиб, бор-йўғи 1 доллар олишини маълум қилган эди.