Колумбияда сув тошқини ва сел келиши оқибатида ҳалок бўлганлар сони 273 кишига етди. Бу ҳақда жабрланган ҳудудга етиб келган республика президенти Хуан Мануэль Сантос маълум қилди, деб ёзади «ТАСС».
«Охирги ҳисоботга кўра, Мокоа муниципалитетида ҳалок бўлганлар сони 273 кишини ташкил этганлигидан афсусдаман. Уларнинг қариндошларига ҳамдардлик билдираман», — деб ёзди президент Twitter’даги саҳифасида.
Давлат раҳбари жабрланганлар сони аввалгидек 262 кишидан иборат эканлигини таъкидлади. 2,7 мингга яқин аҳоли вақтинчалик бошпаналарда эканлиги маълум қилинмоқда. Фожиа ҳудудида икки мингга яқин қутқарувчи ва шифокор ишламоқда.
Аввалроқ табиий офат оқибатида қурбон бўлганлар сони 254 кишига етганлиги ҳақида хабар берилган эди.
«Дарё»нинг Telegram’даги расмий канали — @toshqindaryo’га аъзо бўлинг!