Эр-Хотин Элизабет Хенди ҳамда Билол Уолк 22 ойлик қизига фамилия танлашга рухсат бермагани учун Жоржия штатини судга берди. Оилавий жуфтлик суд вакилининг сўзларига кўра, Хенди ҳамда Уолк қизига Аллоҳ фамилиясини бермоқчи бўлган, шунда қизнинг тўлиқ исми Залиҳа Нафиса Лоррайна Аллоҳ кўринишида бўлган бўлар эди. Бу ҳақда The Telegraph нашрига таяниб, TJournal хабар берди.
Atlanta Journal Constitution нашрининг маълумот беришича, рад жавоби берилишига Жоржия штати қонунчилиги сабаб бўлган. Унга кўра, фарзанд ё отанинг ёки онанинг, ёки бир вақтда иккаласининг фамилиясига эга бўлиши керак.
22 ойлик қизалоқнинг ҳозиргача исми йўқлиги боис, унинг туғилганлиги ҳақида гувоҳнома ҳамда ижтимоий суғуртаси ҳам мавжуд эмас. Шу сабабли Хенди—Уолк оиласи бугунга қадар қизига тиббий ёрдам ва озиқ-овқат карточкасини ололгани йўқ.
Washington Post нашрининг ёзишича, Залиҳанинг 3 ёшли акасининг исми Мастерфул Мозира Али Аллоҳ. Штат расмийларида унинг исмига илгари ҳеч қандай шикоят бўлмаган.
Оиланинг юристи Майкл Баумринднинг сўзларига кўра, «болага исм танлаш билан фақат ота-оналар шуғулланиши керак, штат расмийлари эмас». «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)