O‘zbekiston milliy terma jamoasi sardori Odil Ahmedov to‘p suradigan Xitoyning “Shanxay SIPG” klubi g‘alabali yurishini davom ettirdi.
Osiyo Chempionlar ligasi guruh bosqichining dastlabki ikki turida “Shanxay SIPG” va Yaponiyaning “Urava Red” klublari 6 tadan ochko jamg‘arib turgandi. 15-mart kuni kunchiqar yurt jamoasi Shanxayga tashrif buyurdi.
Bellashuvda Andre Villash-Boash Oskar, Xalk, Elkesen va Odil Ahmedov kabi legionerlarni maydonga tushirdi. Hisob 53-daqiqaga kelib yirik ko‘rinish oldi. Elkesen va Xalk 1 tadan gol urgan bo‘lsa, Ahmedov golli uzatmani amalga oshirdi.
O‘yin yakuniga qadar yaponiyaliklar ikkita gol urib, hisobni qisqartirishga erishdi. Biroq durang natijaga erishish ularga nasib qilmadi.
Shu tariqa “Shanxay SIPG” 3-turdan keyin guruhning yaqqol peshqadami bo‘lib o‘ldi. O‘zbekistonning ikki klubi o‘z guruhida so‘nggi o‘rinni egallab turgan bo‘lsa, o‘zbekistonlik futbolchi Odil Ahmedov guruhdan chiqish vazifasini anchagina uddalab qo‘ydi.
Osiyo Chempionlar ligasi “F” guruhi. 3-tur 15-mart, chorshanba
Izoh (0)