Эфиопияда ахлатхона ўпирилиши оқибатида қурбон бўлганлар сони 48 кишига етди

11 март, шанба куни Эфиопия пойтахти Аддис-Абеба чекка қисмидаги ахлатхонанинг ўпирилиши оқибатида ҳалок бўлганлар сони 48 кишига етди. Бу ҳақда 13 март, душанба куни Reuters агентлиги маълум қилди, деб ёзади «ТАСС».

Агентликнинг маълум қилишича, ҳалок бўлганлар орасида 15 нафар бола ҳам бор.

Нашрнинг маълум қилишича, ўпирилиш юз берган пайтда ҳодиса жойида 150 га яқин одам бўлган. Воқеа жойида қутқарув ишлари давом этмоқда.

Эслатиб ўтамиз, аввалроқ ҳодиса оқибатида 46 киши ҳалок бўлганлиги маълум қилинган эди. 50 йилдан буён Аддис-Абебадан чиқиндилар келтириладиган ахлатхона ўпирилишининг сабаби ҳозирча номаълум.