Мақолада дунёнинг энг йирик аукционлари маълумотларига кўра айни пайтда энг қимматбаҳо бўлган тангаларни тўпладик.
Бешинчи ўринда «Қиролича Елизавета II» тилла тангаси жойлашган, у бугунги кунда энг йирик танга ҳисобланади. Унинг оғирлиги роппа-роса 100 килограммга тенг, шунинг 99,999 фоизини олтин ташкил этади. «Қиролича Елизавета II» Канаданинг Қироллик танга саройи томонидан босиб чиқарилган. Австриянинг Доротеум аукцион уйида ушбу танга 4 миллион долларга сотилган.
1804 йилда шахсан Сиам қироли учун кумуш Юбилей тангаси чиқарилган. У «Тангалар қироли» деб аталган, нумизматика ишқибози бўлган қиролнинг коллекциясида муносиб ўрин топишга муваффақ бўлди. Қимматбаҳолиги жиҳатидан дунёда тўртинчи бўлган танга 2001 йилда хусусий коллекционер томонидан сотиб олинди, у Сиам қиролининг бутун коллекциясини 4,14 миллион долларга харид қилди.
Учинчи ўриндаги Эдвард III — ўрта асрларга хос олтин флорин 1343—1344 йилларда муомалада бўлган. Унинг номинал қиймати — 6 шиллинг. Спинк аукционида танга 6,8 миллион долларга сотилган.
Рейтингнинг иккинчи поғонасида 1933 йилда зарб қилинган Икки бошли Сен-Годен бургути жойлашган. Тарихчилар сўзларига кўра, ушбу танга ХХ аср бошларига ҳам, бугунги кунга ҳам хос бўлган ўзаро боғлиқ глобал иқтисодиётга қарши кураш рамзи ҳисобланади. Танга аукционда 7,59 миллион долларга сотилган.
Айни пайтда дунёдаги энг қимматбаҳо танга — «Ёйилган соч» Доллари деб аталувчи танга. У 1794 йилда кумушдан босиб чиқарилган ва Irvine ноёб тангалар коллекциясидан 7 850 000 долларга сотилган.
Изоҳ (0)