Ўзбекистон миллий терма жамоаси аъзоси Сардор Рашидовнинг оиласида қиз фарзанд дунёга келди. Унга Сабрина деб исм берилди.
Рашидов Қатарнинг «Ал-Жаиш» клуби шарафини ҳимоя қилади. «Дарё»га яқин манбаларнинг хабар беришича, Сабрина Қатар пойтахти Доҳада туғилган. Айни вақтда ёш она, чақалоқ ҳамда уларга ҳамроҳлик қилаётган Сардорнинг онаси Қатарда бўлиб турибди.
Футболчининг ўзи эса Ўзбекистон миллий терма жамоаси машғулотларига қўшилиш учун Тошкентга етиб келди. Бу ҳақда «Ал-Жаиш» клубининг Twitter’даги саҳифаси маълумот берди.
Ўзбекистон миллий терма жамоаси 23 март куни сафарда Сурияга қарши ўйинда майдонга тушади. ЖЧ—2018 саралашидан ўрин олган мазкур учрашувга тайёргарлик 14 март кунидан старт олади. Рашидов эса терма жамоа сафига чақирилган.
Изоҳ (0)