«Севилья» кетма-кет икки турда дебютантларни енга олмади, «Атлетико»ни Антуан Гризманн қутқариб қолди

Испания Ла лигасининг 27-турида чемпионлик учун кураш олиб бораётган «Севилья» 2 очко йўқотди.

Бир тур аввал «Алавес» билан дуранг ўйнаган Хорхе Сампаоли шогирдлари бу сафар «Леганес»ни енга олмади — 1:1. Қишки трансфердан сўнг жамоага етиб келган Стеван Йоветич жамоасини мағлубиятдан қутқариб қолган голга муаллифлик қилди.

«Севилья»нинг очко йўқотиши «Атлетико»ни унга яқинлаштирди. Лигада қолиш учун курашаётган «Гранада» майдонида тўп сурган мадридликлар учрашув якунига 6 дақиқа вақт қолганида ғалаба голини уришга муваффақ бўлди. Қаҳрамон — Антуан Гризманн.

«Барселона» ва «Реал Мадрид» клублари ўртасидаги ўйинлар бугун — 12 март тунида бўлиб ўтади.

Испания Ла лигаси 27-тур 10 март, жума

«Эспаньол» — «Лас-Пальмас» 4:3

Голлар: Давид Лопес, 1 (1:0). Маурисио Лемос, 31 (1:1). Херард, 45+1 (2:1). Маурисио Лемос, 49 (2:2). Пабло Пьятти, 53-пен (3:2). Хосе Хурадо, 74 (4:2). Матео Гарсия, 84 (4:3).

11 март, шанба

«Валенсия» — «Спортинг» 1:1

Голлар: Дуйе Чоп, 60 (0:1). Мунир Эль-Хаддади, 85 (1:1).Ноаниқ пенальти: Даниэль Парехо, 54 (V).

«Севилья» — «Леганес» 1:1

Голлар: Габриэл, 3 (0:1). Стеван Йоветич, 43 (1:1).

«Малага» — «Алавес» 1:2

Голлар: Зуаир Феддаль, 39 (0:1). Хуан Карлос, 71 (1:1). Эдгар Мендес, 90+1 (1:2).Четлатиш: Зуаир Феддаль, 72 (А).

«Гранада» — «Атлетико» 0:1

Гол: Антуан Гризманн, 84 (0:1).Четлатиш: Муборак Вакасо, 90+4 (Г).