Ўзбекистон Президенти Шавкат Мирзиёев Бухоро шаҳрининг тарихий қисмида анъанавий ҳунармандлик устахоналарини жамлаган икки қаватли уйлардан иборат ҳунармандлар мавзесини қуриш лойиҳаси билан танишди. Бу ҳақда ЎзА хабар бермоқда.
Президент Бухоро тарихини, қадимий бозорларини тиклаш, ҳунармандлар мавзесига сайёҳларни кенг жалб қилиш, бу ерда кечки сайр имкониятини яратиш, миллий ҳунармандлик анъаналари ва кўнгилочар дастурларни намойиш қилиш бўйича кўрсатмалар берди.
Мавзуга доир: Шавкат Мирзиёев Бухородаги Пойи Калон мажмуасида бўлди. Масжиди Калон ва Мир Араб мадрасаси қайта таъмирланади
Иккинчи қаватда ҳунарманд усталар яшаса, биринчи қаватда уларнинг дўкон ва устахоналари жойлаштирилса мақсадга мувофиқ бўлади. Бу ерда маҳсулотларни тайёрлаш ва сотиш жараёни уйғунлаштирилиши керак. Рубоб тайёрлаётган устани, гилам ёки газлама тўқиётган ҳунармандни иш устида кўрган ҳар қандай одам завқланади.Президент ҳунармандлик бозорини тартибга келтиришни, миллий анъаналар акс этган, замонавий расталар қуришни таклиф қилди.Шавкат Мирзиёев, Ўзбекистон Президенти
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)