Андижон вилояти маҳаллалари, таълим муассасаларида профилактика куни доирасида ҳуқуқбузарлик ва жиноятларнинг олдини олишга қаратилган тадбирлар ўтказилмоқда, деб хабар беради ЎзА.
Ички ишлар органлари ходимлари томонидан прокуратура, солиқ идораси, «Маҳалла» хайрия жамоат фонди, хотин-қизлар қўмитаси, «Камолот» ёшлар ижтимоий ҳаракати, таълим муассасалари билан ҳамкорликда ўтказилаётган тадбирларда содир этилган жиноятларнинг сабаб ва омиллари атрофлича муҳокама этилиб, бундай ҳолатлар келиб чиқишининг олдини олишга қаратилган тарғибот ишларини янада кучайтиришга алоҳида эътибор қаратилмоқда.
Профилактика тадбирлари доирасида 103 мингдан ортиқ хонадон ўрганиб чиқилди. Ўрганиш давомида фуқароларнинг паспорт-виза, доимий ёки вақтинча яшаш, ёнғин, ҳаракат хавфсизлиги тартиб-қоидаларига риоя этиши назоратдан ўтказилди.Хабар беришларича, ички ишлар идоралари профилактик ҳисобида турувчи шахслар, хорижга ишлагани кетган ёки қайтганлар ва уларнинг оила аъзолари билан суҳбатлар ўтказилди.Мирзоҳид Маъмиржонов, вилоят ички ишлар бошқармаси ҳуқуқбузарликларнинг олдини олиш бошқармаси катта инспектори, майор
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)