Сўнгги урфда кийиниш учун бир дунё кийим-кечак сотиб олиш шарт эмас — рўйхатда келтирилган актуал буюмларнинг бир-иккитаси харид қилиш кифоя, шунда қиёфангиз сезиларли тарзда янгиланади.
Пушти пальто
Умуман олганда, пальто бўлиши шарт эмас. Пушти рангдаги ҳар қандай нарса ҳам тўғри келади. Ушбу рангнинг барча туслари: упа рангидан тўқ фуксия рангигача урфга кирган.Бурма ҳошияли кўйлак
Бурма ҳошия, тўр ва гулли аппликация ҳозир модада. Демак, романтик қиз қиёфасига кириш вақти келди. Баҳорда бу айни муддао.Гулли блузка
Яна гуллар: баҳор-ёз мавсуми гулсиз бўладими, ахир? Гуллар қанақа бўлишини ўзингиз ҳал қилинг: дизайнерлар тўпламларида майда атиргул ғунчаларини ҳам, қизил қизғалдоқларни ҳам, нафис бинафшаларни ҳам, йирик пионгулларни ҳам учратиш мумкин.Қалин билагузук
Сипогина ингичка билагузуклар ўтмишда қолди: урфга катта, салмоқли билагузуклар кирди. Улар кўзга ташланиб туриши ва қиёфанинг асосий урғуси ролини бажариши керак.Тўғноғич
Оддий блузка ёки жакетга ёрқин туз бермоқчи бўлсангиз, тўғноғич бемалол колье ўрнини боса олади. Йирик тошлар қадалган, ёғоч ёки матодан ясалган турли-туман тўғноғичлар урфда. Муҳим қоида: тўғноғич тақмоқчи бўлсангиз, уни узун зирак билан уйғунлаштирманг. Яхшиси, улардан биттасини танланг.Митти сумка
Тўғри, унга ноутбук, блокнот ёки бир бутилка сув сиғмайди, аммо у сизнинг ҳар қандай қиёфангизни тўлдиради.Платформали ботильон
Бу йил платформа яна урфга қайтди, шу туфайли пошнада юриш анча қулайлашади. Maтeриал ҳақида гапирсак, илон терисига ўхшатиб тикилган ва замш моделларга эътибор қаратинг.Vogue, L’Officiel мақолалари асосида
Изоҳ (0)