Европа клубларининг нуфузи жиҳатдан иккинчи рақамли клублар мусобақаси бўлган Европа лигасининг нимчорак финал беллашувларига қуръа ташлаш маросими бўлиб ўтди.
Чемпионлик учун асосий даъвогар сифатида эътироф этилаётган Англиянинг «Манчестер Юнайтед» клуби унга кўра Россиянинг «Ростов» футбол клубига рақиб бўлди. Эронлик футболчи Сардор Азмун Чемпионлар лигасида «Бавария» ва «Атлетико» дарвозасига гол уришга муваффақ бўлганди. Энди у Жозе Моуриньо жамоаси постига йўл топиш учун ҳаракат қилади.
Римнинг «Рома» клуби 1/16 финалдаёқ жиддий рақибга дуч келиб, Испаниянинг «Вильярреал» клубига чиқиш эшикларини кўрсатиб қўйганди. Лучанно Спаллети жамоасини олдинда яна бир мураккаб рақиб — «Лион» кутиб турибди. Лионликлар аввалги босқичда 2 та ўйинда жами 11 та гол уришнинг уддасидан чиқа олганди.
Шунингдек, Украинанинг «Шахтёр» клубини турнирдан чиқариб юборган «Сельта» энди Россиянинг «Краснодар»и билан ҳисоб-китоб қилади. Бельгия ва Германиянинг икки клуби ҳам чорак финал йўлида тўқнаш келади.
Европа лигаси 1/8 финал 9 март, пайшанба
«Сельта» (Испания) — «Краснодар» (Россия)«AПОЭЛ» (Кипр) — «Андерлехт» (Бельгия)«Шальке» (Германия) — «Боруссия Мёнхенгладбах» (Германия)«Лион» (Франция) — «Рома» (Италия)«Ростов» (Россия) — «Манчестер Юнайтед» (Англия)«Олимпиакос» (Гресия) — «Бешиктош» (Туркия)«Гент» (Бельгия) — «Генк» (Бельгия)«Копенгаген» (Дания) — «Аякс» (Голландия)
Изоҳ (0)