Янгиланган Nokia 3310 модели ўз дизайнини сақлаб қолади, бироқ экрани рангли бўлади. Бу ҳақда «РБК» хабар бермоқда.
Mashable манбаларига кўра, Nokia 3310 корпуси енгил ва юпқароқ бўлади. Бир неча ранглар, жумладан, қизил, яшил ва сариқ рангларда тақдим этилади. Экран кенгроқ, телефон тугмалари эса каттароқ бўлади, лекин уларнинг жойлашиши эски версиялардаги каби қолади.
Шунингдек, телефон интернетга уланиши мумкин, бироқ унда саҳифаларни кўриш имкони чекланган бўлади.
Барселонадаги Бутунжаҳон мобил конгрессида 26 февраль куни тақдим этилиши кутилаётган Nokia 3310 63 доллар нарх билан яқин орада сотувга чиқиши мумкин. Жумладан, телефоннинг Малайзиядаги сотуви апрелдан бошланиши билдирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)