Lenovo смартфонлар бозорида ягона бренддан фойдаланиш ва Vibe, Motorola каби бошқа номлардан воз кечишни режалаштирмоқда. Бу ҳақда компаниянинг Шарқий Европадаги мобил бўлинмаси ижрочи директори Алексей Клочков маълум қилди, дея хабар беради 3Dnews.
«Янги Lenovo moto смартфонлари жорий йил 26 февралда тақдим этилади. Компанияда ноутбукларнинг модель қаторларини номлаш учун Yoga, ThinkPad каби алоҳида брендлар мавжуд, бироқ смартфонларда бундай умумий номланиш бўлмаган. Lenovo moto бу бўшлиқни тўлдиради», — дейди Алексей Клочков.
Mobile Research Group таҳлилчиси Элдар Муртазин икки бренд — Lenovo ва Motorola бирлаштирилишини ёқламади. Унинг фикрича, Motorola ихлосмандлари «ҳақиқий» Motorola бўлмагани учун Lenovo moto смартфонларини харид қилмайди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)