Турли хил ёрмалардан мазали бўтқа тайёрлаш сирлари 

Нонуштада бўтқа ейиш кераклиги бизга болаликдан ўргатиб келинади. Болалар боғчасида бўтқа еявериб жонига тегиб кетгани учун кўпчилик катталар уни ёқтиришмайди. Тўғри тайёрланган бўтқа мазали таъми билан кайфиятни кўтаради ва кун давомида зарур бўладиган энергия билан ҳам таъминлайди.

Гречка бўтқаси

Гречка бўтқасини қайнатишдан олдин қозонда бироз қиздиринг ва ўсимлик ёғи қўшинг. Қайнаш жараёнида қозон қопқоғини ёпиб қўйинг.

Манний бўтқаси

Манний бўтқасини пиширишда 1 литр суюқликка 6 ош қошиқ ёрма солинг. Суюқлик сифатида камида ярмига ёки ҳаммасига сут ишлатсангиз бўтқа ширинроқ чиқади.

Сули ёрмасидан бўтқа

Сули ёрмасидан бўтқа тайёрлашда биринчидан, ёрмани сув ёки сутдан 2 баравар кам миқдорда олинг. Иккинчидан, бошқа масаллиқларни фақат совугандан кейин қўшинг. Учинчидан, қанча кўп қайнатсангиз шунча мазали бўлади.

Арпа ёрмасидан бўтқа

Тайёрлашдан олдин ёрмани ивитиб қўйинг, чунки у узоқ вақт қайнатилади. 2 литр сувга 1 пиёла ёрма солинади. Туз ва сарёғ бўтқа тайёр бўлгандан сўнг қўшилади.