Юнусободда 1966 йилда туғилган аёл 21 ёшли икки шериги билан уй ўмарди

Тошкент шаҳри Юнусобод туманида номаълум шахслар Ғиштқўрғон кўчасидаги хонадонга очиқ қолган дераза орқали бостириб кирди. Бу ҳақда Ўзбекистон Ички ишлар вазирлигининг матбуот хизмати хабар бермоқда.

Талончилар 1992 йилда туғилган уй бекасининг ётоқхонасидаги шкафдан турли заргарлик буюмлари ва Samsung мобил телефонини ўғирлаб кетган.

Шаҳар ички ишлар ходимлари томонидан олиб борилган тезкор тадбирлар натижасида ушбу жиноятни шу шаҳарда яшовчи ишламайдиган шахслар амалга оширгани аниқланди.

Улардан икки нафари 1996 ва 1966 йилда туғилган аёллар, яна бири 1996 йилда туғилган йигит экани фош этилиб, улар қўлга олинди.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

«Дарё»нинг Telegram’даги расмий канали — @toshqindaryo’га аъзо бўлинг!