БМТ Хавфсизлик кенгаши Россиянинг ушбу халқаро ташкилотдаги доимий вакили Виталий Чуркиннинг вафоти муносабати билан баёнот қабул қилди, деб ёзади «РИА Новости».
Россиянинг БМТдаги доимий вакили Виталий Чуркин Нью-Йоркда 65 йиллик таваллудига бир кун қолганида, 20 февраль куни тўсатдан вафот этди. Доимий вакил лавозимини у 2006 йилдан буён эгаллаб келган.
Хавфсизлик кенгаши аъзолари дипломатнинг оиласига, шунингдек, Россия ҳукумати ва халқига чуқур ҳамдардлик изҳор этди.
«Кенгаш аъзолари Россия дипломатик хизматида 40 йилдан ортиқ вақт ишлаган, мамлакатнинг БМТдаги миссиясига раҳбарлик қилган ва 21 февралда 65 ёшга тўлиши керак бўлган элчи учун мотам тутмоқда», — дейилади баёнотда.
21—23 февраль кунлари Россиянинг БМТдаги доимий ваколатхонасида ҳамдардлик китоби очилади.
Изоҳ (0)