Сурияда тўрт нафар россиялик ҳарбий маслаҳатчи портловчи мослама ўрнатилган автомобиль портлаши оқибатида ҳалок бўлди. Бу ҳақда, Россия Мудофаа вазирлигига таяниб, Meduza хабар бермоқда.
Хабар беришларича, ҳодиса натижасида яна икки нафар россиялик ҳарбий хизматчи тан жароҳати олган.
Россиялик ҳарбийлар жойлашган автомобиль 16 февраль куни Сурия ҳукумат кучлари автоколоннаси билан бирга кетаётган вақтида портлаган. Колонна Тияс аэродромидан Хомс шаҳри томон ҳаракатланаётган бўлган.
Россия Мудофаа вазирлиги 20 февралга қадар Сурияда жами 30 нафар россиялик ҳарбий ҳалок бўлганини расман тан олган эди.
Маълумот учун, Россия 2015 йил сентябридан бери Сурияда ҳарбий-ҳаво кучлари иштирокида махсус операция ўтказмоқда. Россиялик бевосита операцияда қатнашаётган ҳарбий хизматчилардан ташқари, Сурияда россиялик ҳарбий маслаҳатчилар ва йўриқчилар ҳам бўлиб турибди.
Изоҳ (0)