Париж полицияси ўқиб тугатилган китобни кўчада, китоб дўкони яқинида қолдириб кетган аёлни ҳибсга олди, деб ёзади Meduza. Гвенель исмли аёл китобни кимгадир бермоқчи бўлган, аммо дўконда буккроссинг учун жавон бўлмаган.
Полициячилар Гвенелни қўлга олиб, уни 68 евро жаримага тортди — аёлни жамоат жойида ахлат қолдириб кетганликда айблашди. Ўз ити ахлатини олиб ташламаганлар ёки сигарета қолдиғини ахлат қутисига ташламаган қоидабузарларга ҳам шунча миқдорда жарима солишади.
Кейинроқ Гвенель жарима ҳақида Facebook’даги саҳифасига ёзди. Шунда воқеага журналистлар эътибор қаратди ва Париж мэрияси жаримани бекор қилишга қарор қилди.
Буккроссинг — ижтимоий тармоқлар тамойили бўйича фаолият юритадиган ва флешмобга ўхшаш хобби ва жамоатчилик ҳаракати. Бунда киши китобни ўқиб бўлиб, бошқа одам, тасодифий ўткинчи уни топиб ўқиши учун, китобни жамоат жойида қолдириб кетади; у ҳам ўз навбатида бу ҳаракатни такрорлайди.
Изоҳ (0)