2016 йилда Токио фуқаролари ҳуқуқ-тартибот идораларига мегаполис кўчаларида топилган 3,67 миллиард иенани (32,5 миллион доллар) топширди. Шаҳар полициясига ҳар куни ўртача 10 миллион йўқолган иена қайтарилади, дея хабар беради «Корреспондент.net».
Ўтган йили 1990 йилда қайд этилган рекорд (ўшанда японияликлар полицияга 3,5 миллиард иенани топширган) ҳам янгиланди. Мазкур суммадан 2,7 миллиард иена эгаларига қайтарилди, бу ҳам 1999 йилдан бери энди кузатилган рекорд.
Токиоликлар нафақат йўқолган пуллар, балки буюмларни ҳам қайтаради. Уларнинг сони 2016 йилда 3,8 миллионни ташкил этди, бунинг ичига нақд пуллар ҳам киради. Шаҳарликлар уй ҳайвонлари, жумладан, мушук ва қушларни кўп йўқотади, ўтган йили мингга яқин шундай ҳолат қайд этилди.
Япон қонунларига кўра, мулк эгаси уч ой давомида топилмаса, буюм уни топган шахсга берилади. Агар у ҳам топилма юзасидан мурожаат қилмаса, нақд пул ёки буюмлар сотувидан тушган маблағ шаҳар ғазнасига ўтказилади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)