Буюк Британиядаги ислом дини қоидаларига мос келадиган биринчи модалар намойиши 18 февраль, шанба куни мамлакат пойтахтида Лондон сипо мода ҳафталиги (London Modest Fashion Week) доирасида бўлиб ўтди, дея хабар бермоқда «РИА Новости».
Икки кунлик Лондон сипо мода ҳафталиги бу йил биринчи марта ҳамда Лондон мода ҳафталиги (London Fashion Week) билан параллел тарзда ўтказилмоқда.
Лондоннинг нуфузли Челси туманидаги Saatchi галереясида бўлиб ўтган дефиле ташкилотчилари таъкидлашича, «сипо» мода ҳозирги кунда мода бизнесининг энг тез ўсаётган сегментларидан биридир.
«Айни пайтда энг тез ўсаётган бозор — мусулмон бозори. 2030 йилга келиб, дунёдаги ҳар учинчи киши мусулмон бўлади, бу жуда кўп одам демакдир», — дея 40 нафар дизайнернинг ижод намуналари тақдим этилган дефиле ташкилотчиси Романна Бинт-Абубакр аниқлик киритди.
Изоҳ (0)