Ўзбекистонда 1 июлдан бошлаб олий таълимдан кейинги таълимнинг икки даражали тизими жорий этилади. Бу Президент Шавкат Мирзиёевнинг 16 февралдаги фармонида кўзда тутилган. Бу ҳақда, ҳукуматдаги манбаларига асосланиб, «Газета.uz» хабар бермоқда.
Янги тизим бошланғич докторантура (фан соҳасидан келиб чиққан ҳолда диссертацияни ҳимоя қилиш ва фалсафа доктори илмий даражаси — PhD ни олиш) ва докторантура (диссертация ҳимояси ҳамда фан доктори илмий даражаси — Doctor of Science, ScD ни олиш)ни ўз ичига олади.
2013 йил 1 январдан Ўзбекистонда олий таълимдан кейинги бир даражали тизим амал қилиб келинаётган эди. Давлат раҳбарининг фармонида қайд этилишича, Ўзбекистоннинг ижтимоий-иқтисодий ривожланиш суръатлари олий таълимдан кейинги бир босқичли тизим шароитида тўпланган тажрибаларни қатор хорижий мамлакатларнинг мазкур соҳадаги илғор тажрибаларини ҳисобга олган ҳолда қайта кўриб чиқиш заруриятини пайдо қилмоқда.
Фармонга мувофиқ, PhD даражаси магистр даражаси ёки олий маълумотга (мутахассисликлар дастурлари бўйича) ёки клиник ординатурани (тиббиёт фанлари учун) тамомлаган ва диссертацияни ҳимоя қилган шахсларга берилади. ScD даражаси эса фан номзоди ёки хорижий давлатларда олинган PhD даражасига эга ҳамда диссертация ҳимоя қилган шахсларга берилади.
Бошланғич докторантурага магистр ёки олий маълумотга эга ёхуд клиник ординатурани тамомлаган, докторантурага эса — фан номзоди ёки хорижий давлатларда олинган PhD даражасига эга ёхуд улар билан тенглаштирилган бошқа даражаларга эга шахслар қабул қилинади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)