Хитой йилнинг биринчи ярмида дунёдаги энг йирик сув самолётининг илк синов парвозини амалга ошириши маълум қилинди

Хитой жорий йил биринчи ярмида ўзининг йирик габаритли амфибия-самолёти илк синов парвозини ўтказади. Бу ҳақда «ТАСС» хабар бермоқда. 

Мутахассислар 13 февраль куни тўртта турбовинтли двигателни ишга туширишга муваффақ бўлди. Сув самолёти парвози синовларнинг келгуси босқич бўлиши кутилмоқда. 

Хитой авиасозлик корпорацияси томонидан яратилган AG600 фуқаролик авиацияси эҳтиёжлари учун мўлжалланган ва ўрмон ёнғинларига қарши кураш, қутқарув операциялари учун махсус ишлаб чиқилган. 

AG600 максимал парвоз вазни 53,5 тоннадан иборат. Самолёт соатига 500 километр тезликда ҳаракатланиши ва 4,5 минг километр масофага учиб бориши, ҳавода 12 соатгача бўлиши мумкин. Умумий узунлиги 37 метр, қанотлари узунлиги эса 38,8 метрга тенг.

Самолёт одатий аэродромлар, шунингдек, сув юзасига қўниши ҳамда учиб кетиши мумкин. 20 сонияда 12 тоннагача сув жамғариш, бир маротабада 370 тоннагача сувни керакли манзилга етказиш имкониятига эга ҳаво кемаси дунёдаги энг йирик сув самолёти эканлиги билдирилмоқда. 

«Дарё»нинг Telegram’даги расмий канали — @toshqindaryo’га аъзо бўлинг!