Amazon интернет-ритейлери, АҚШ томонидан жорий этилган санкцияларнинг талабларига зид ўлароқ, Эрон билан иш олиб борганини маълум қилди. Бу ҳақда «Газета.ru» хабар бермоқда.
Компания вакилларининг билдиришича, 2012—2016 йиллар мобайнида Amazon Эрондан ташқарида жойлашган, бироқ бу мамлакат раҳбариятига бўйсунувчи шахслар ва ташкилотларга истеъмол маҳсулотларини сотган ва етказиб берган.
Bloomberg’нинг қайд этишича, бу каби ҳаракатлар Эрон таҳдиди ва Суриядаги инсон ҳуқуқлари аҳволи тўғрисидаги қонунда кўз тутилган санкциялар остига тушади.
Amazon раҳбарияти бундан кейин бу мижозлари билан ҳамкорлик қилмоқчи эмаслигини маълум қилди.
Санкцияга тушган буюртмаларнинг умумий қиймати 2400 доллар бўлиб, тақиқ остидаги харидорлар нафақат дастурий таъминот, балки уй ҳайвонлари учун егулик, шунингдек, либослар сотиб олган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)