ТАТУ талабаларининг 10 нафари Санкт-Петербург Давлат телекоммуникациялар университетига ўзаро ҳамкорлик доирасида тажриба алмашиш учун юборилди. Бу ҳақда университет расмий сайти хабар берди.
2016 йил 19—23 сентябрь кунлари «АКТ ҳафталиги»га ташриф буюрган М.А.Бонч-Бруевич номидаги Санкт-Петербург Давлат телекоммуникациялар университети (СПбГУТ) делегация аъзолари билан бўлган учрашувда ўзаро ҳамкорликни ривожлантириш ва сифатли мутахассис кадрларни тайёрлашда қўшма дастурларни ишлаб чиқиш ва жорий этиш бўйича келишиб олинган эди.
Шу келишувга асосан, СПбГУТ ректори С.В.Бачевский Тошкент ахборот технологиялари университети талабаларини «Қишки мактаб — 2017» дастурида иштирок этиши юзасидан таклиф берди. Ушбу курсда қатнашиш учун Санкт-Петербург шаҳрига ТАТУнинг 10 нафар талабалари ва уларга раҳбар сифатида «Телевизион технологиялар» факультети декани Ф.Нуралиев 2017 йил 10—24 февраль кунлари 2 ҳафта муддатга хизмат сафарига юборилди.
Изоҳ (0)