Сербия Европа Иттифоқига интилаётган «муҳожирлар учун тураргоҳ» бўлишни хоҳламайди. Бу ҳақда Сербия бош вазири Александр Вучич Австрия ташқи ишлар вазири Себастьян Курц билан учрашуви чоғида маълум қилган, дея хабар бермоқда «Газета.ru».
Вучичнинг сўзларига кўра, баъзи бир мамлакатлардан фарқли ўлароқ, Сербия муҳожирлар масаласида ўзи берган ваъдаларни ҳар доим бажарган. Бош вазирнинг қайд этишича, унинг мамлакати муҳожирларга нисбатан ҳеч қачон зўравонлик қилмаган, бироқ, айни вақтда, бу муҳожирлар учун «тураргоҳ» бўлиб қолишни истамайди.
Вучич кўмак учун австриялик вазирга миннатдорчилик билдириб, Косово мустақиллигини тан олиш масаласини истисно қилганда, икки мамлакат ўртасида келишмовчиликлар йўқлигини алоҳида қайд этиб ўтди.
Аввалроқ Венгрия ўзини муҳожирлардан муҳофаза қилиш учун иккинчи деворни қуриш ниятида эканлигини маълум қилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)