Покистоннинг Лаҳор шаҳрида юз берган портлаш оқибатида камида 16 киши ҳалок бўлди. Бу ҳақда «Газета.ru» хабар бермоқда.
Хабар беришларича, портлаш Панжоб штати қонунчилик кенгаши биноси олдида, норозилик намойиши давом этаётган бир вақтда юз берган.
Намойишчилар дори воситаларини сотиш тартибига ўзгартиришлар киритиш тўғрисидаги қонун лойиҳасига қарши кўчага чиққан эди.
Портлаш рўй берган вақтда майдонда бир неча юз киши бўлгани айтилмоқда. Ҳалок бўлганлар орасида полиция ходимлари ҳам бор.
Ҳодиса муносабати билан расмий Исломобод жанговар тайёргарликнинг қизил даражасини эълон қилган. Махсус хизматлар Лаҳорда теракт эҳтимоли борлиги ҳақида 7 февралдаёқ маълум қилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)