2017 йил якунига қадар Ўзбекистонда 33 та йирик фармацевтика корхонаси ишга туширилади. Бу ҳақда, «Ўзфармсаноат» концерни раиси Мирзанозим Дўстмуродов ахборотига таяниб, «Газета.uz» хабар бермоқда.
Импорт ўрнини босиш мақсадида ишга туширилаётган бу корхоналар йил якунигача маҳаллий дори-дармон ишлаб чиқариш улушини 70 фоизгача етказиш имконини беради.
Мирзанозим Дўстмуродовнинг қайд этишича, маҳаллий ишлаб чиқарувчилар ҳисобига белгиланган нархлар бўйича сотилаётган препаратлар рўйхати ҳам кенгайтирилади.
«Ўзфармсаноат» раҳбари 2016 йил маҳаллий корхоналар томонидан қиймати 340 миллион долларга тенг маҳсулот ишлаб чиқарилганини таъкидлади.
Унинг сўзларига кўра, маҳаллий дори-дармон воситаларининг импорт қилинувчи муқобилларига нисбатан 2 баробар арзонлиги ўтган йили 700 миллион долларни тежаб қолишга имкон берган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)