Қирғизистоннинг «Дордой» футбол клуби билан шартнома имзолаган ўзбекистонлик футболчи Алишер Азизов ОФК кубогидаги иккинчи голини урди, деб ёзди «Championat.asia».
Мусобақанинг саралаш босқичи доирасида «Дордой» Туркманистоннинг «Болқон» клуби меҳмони бўлди ва 2:1 ҳисобида зафар қучди. Ҳисоб 8-дақиқага келиб Алишер Азизов томонидан очилди. Кейинроқ унинг жамоадоши иккинчи голни уриб, навбатдаги босқич масаласини деярли ҳал қилиб қўйди.
Томонларнинг Ўш шаҳрида бўлиб ўтган дастлабки ўйинида 1:1 ҳисоби қайд этилган бўлиб, Алишер Азизов «Дордой»ни мағлубиятдан қутқариб қолган голга муаллифлик қилганди. Эндиликда икки ўйин натижасига кўра унинг жамоаси плей-офф босқичига йўл олди.
ОФК кубогининг гуруҳ босқичига чиқиш учун «Дордой» Тожикистоннинг «Ҳосилот» клуби довонидан ўтиши керак бўлади. 21 февраль куни тожикистонликлар Ўшга ташриф буюрса, жавоб ўйини 28 февраль куни «Ҳосилот» майдонида бўлиб ўтади.
ОФК кубоги Ўтиш босқичи 7 февраль, сешанба
Изоҳ (0)