Россиянинг Новосибирск вилояти делегацияси губернатор Владимир Городецкий раҳбарлигида Ўзбекистонга ҳукумат таклифи билан келди, деб ёзади UzDaily. Делегация таркибига Россия ишбилармон ва бизнес доиралари вакиллари кирди.
Ташриф чоғида Ўзбекистон Бош вазири ўринбосари Улуғбек Рўзиқулов ҳамда Бош вазир ўринбосари, Қишлоқ ва сув хўжалиги вазири Зойир Мирзаев билан учрашув ўтказилди.
Музокаралар давомида савдо ҳажмини ошириш ва мева-сабзавот маҳсулотларини тизимли марказлаштирилган тарзда етказиб беришни ташкил этиш масалалари муҳокама этилди.
Музокаралар якунларига кўра 2017—2019 йилларда савдо уйи орқали Ўзбекистондан Сибир федерал округига йил бўйи мева-сабзавот етказишни ташкил қилиш ҳақида битим имзоланди.
Шунингдек, Россия делегацияси «Ўзбекозиқовқатхолдинг» холдинг компаниясига ва Gold Dried Fruits мажмуасига ташриф буюрди.
Изоҳ (0)