Шу йил 4 февраль куни Гулистон шаҳрида давлат ҳокимияти вакиллик органлари депутатларининг бўшаб қолган ўринга Олий Мажлис Сенати аъзоси сайлови бўйича қўшма мажлиси бўлиб ўтди. Бу ҳақда Марказий сайлов комиссияси расмий сайти хабар берди.
Қўшма мажлисни Ўзбекистон Республикаси Марказий сайлов комиссияси раиси М.Абдусаломов очиб берди.
Яширин овоз бериш йўли билан ўтказилган сайлов натижасида халқ депутатлари вилоят Кенгаши депутати, Сирдарё вилояти ҳокими Ғофуржон Мирзаев Олий Мажлис Сенати аъзоси этиб сайланди.
Қўшма мажлисда халқ депутатлари вилоят, туман ва шаҳар Кенгашларининг депутатлари, Марказий сайлов комиссияси аъзолари ва оммавий ахборот воситалари вакиллари иштирок этди.
Изоҳ (0)