Бугун,

  • USD 10940.05
  • RUB 182.26
  • EUR 11121.65

Қозоғистоннинг Олмаота шаҳрида «Ҳақиқий пуллардан иборат костюмга нима бўлади?» ижтимоий синови қатнашчиси Андрей Лобанов ҳуқуқ-тартибот идораларининг диққат марказида бўлди. Бу ҳақда TJournal хабар бермоқда.

Фото: KazDay

Фото: KazDay

Унинг айтишича, ҳуқуқ-тартибот ходимлари акция ўтказишга рухсат олган ёки йўқлигини суриштирган, диний сектага аъзолик, пулларни қалбакилаштиришда гумон қилган. Суҳбатдан сўнг йигитча қўйиб юборилган.

Кўчанинг ўртасига туриб олиб, пул тарқатаётган йигит уларни ажаблантирган бўлса керак. Учта патруль — 9 киши, яна капитан ҳам келди. Капитан бу тарғибот ҳуқуқбузарлиги эканлигини айтди ва биздан бас қилишни сўради. Шундан сўнг тасвирга олишни тўхтатдик.

Андрей Лобанов

Олдинроқ «Ҳақиқий пуллардан иборат костюмга нима бўлади?» ижтимоий синови Украина ва Россияда, жумладан, Чеченистонда ўтказилганди. Грознийда ўткинчилар пулларни олмай, аксинча, ўзлариникини костюмга ёпиштириб кетган.

Акция ташкилотчилари синовни АҚШ ва Германияда ҳам ўтказишни режалаштирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.

Изоҳ
Асосий янгиликлар