«Тошкент» телеканалида 2 февраль куни намойиш этилган «Пойтахт йўлларида» кўрсатувида йўл ҳаракати қоидаларини қўпол равишда бузаётган пиёдалар ҳақида ҳикоя қилинди. Бу ҳақда «Darakchi.uz» хабар бермоқда.
Кўрсатувда пойтахт йўлларида содир бўлаётган пиёдаларнинг жиддий шикастланиши ёки вафот этиши билан якун топган ЙТҲлар видеолари намойиш этилди.
Мазкур ҳодисаларнинг айримлари ҳайдовчиларнинг йўлни кесиб ўтаётган пиёдаларга йўл бермаслиги оқибатида содир бўлса, аксарияти пиёдаларнинг йўлни белгиланган жойдан эмас, бошқа жойдан, шунингдек, светофорнинг қизил чироғига беэътибор бўлиб, кесиб ўтиши оқибатида юз беради.
«Пойтахт йўлларида» кўрсатувининг мазкур сонида йўл ҳаракати қоидаларига риоя қилмаган ҳайдовчи ва пиёдаларга нисбатан қандай маъмурий жазо қўлланилиши ҳақида ҳам маълумот берилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)