Англия миллий терма жамоаси, Лондоннинг «Челси» ва Манчестернинг «Сити» футбол клублари собиқ аъзоси Фрэнк Лемпрад футболчилик фаолиятини якунлади.
Ақлбовар қилмас 21 йил ортда қолди. Ва мен футболчилик карьерамни якунлаш учун қулай фурсат келганини ҳис қилдим.Фрэнк Лемпард ҳам Европа Чемпионлар лигасида, ҳам Европа лигасида муваффақият қозона олган. У уч бор Англия чемпионлигини қўлга киритган. Тўрт марта Англия кубогида муваффақият қозонган. Мамлакат Лига кубоги ва Суперкубогини эса икки мартадан боши узра баланд кўтарганди.Фаолиятимни Англия ёки хорижда давом эттириш йўлида қатор илиқ таклифлар олдим. Бироқ 38 ёш ўйлашимча янги ҳаётга кириб келиш яхши лаҳза.
Шу вақтга қадар қўлга киритган ютуқларим билан фахрланаман. Англия миллий терма жамоасида юзлаб ўйинлар ўтказдим, фаолиятим давомида 300 дан зиёд гол урдим.
Энди эса кўплаб одамларга миннатдорчилик билдиришим керак. Тинимсиз меҳнат қилишга, ишга садоқат ва профессионализмга ўргатган ота-онамга раҳмат! Улар ёрдамида мен ҳамма мушкулотларни босиб ўтдим. Оиламдан умрбод розиман, аёлим Кристин, қизларим Луна ва Айладан ҳам.
Шунингдек, дўстларимга ва мен билан бир жамоа бўлган ҳаммага миннатдорчидик изҳор қиламан. Бу мен билан ишлаган ҳаммага — ажойиб ҳамкасбларга, мураббийларга, клуб ходимларига тегишли.
Мен тўп сурган клубларимни унутмайман. Биринчи навбатда 1996 йил дебют қилганим «Вест Ҳэм»ни ёдга оламан. Мана шундай ёш вақтимда менга ишонч билдирганлари учун ҳам раҳмат. Охирги клубларим эса «Манчестер Сити» ва «Нью-Йорк сити». Улар сабаб фаолиятимнинг сўнгги йилларидан ўзгача завқ олдим.
Қалбимнинг энг катта қисмидан эса албатта «Челси» жой эгаллайди. Бу клуб менга бир қатор унутилмас лаҳзаларни тақдим этди. Мен биргаликда эришган муваффақиятларимизни ҳеч қачон эсдан чиқармайман. 13 йил давомида менга ёрдам берган ва елкама-елка турган ҳаммага бирма-бир миннатдорчилик билдиришнинг имкони йўқ, бироқ мен улардан бир умрга розиман. «Челси» мухлислари эса алоҳида олам, улар бизни жуда ажойиб қўллай олишганди.
Фрэнк Лемпард