Россиянинг Қора денгиз флоти Украина Мудофаа вазирлигининг русларга тегишли бурғилаш минораларидан украинларнинг Ан-26 ҳарбий-транспорт самолёти ўққа тутилгани ҳақидаги хабарларини ёлғон деб атади. Бу ҳақда Meduza хабар бермоқда.
«Интерфакс» агентлиги суҳбатдошининг сўзларига кўра, самолёт «минора атрофида хавфли даражада паст баландликда провокацион шўнғишлар»ни амалга оширган, шундан сўнг қўриқчилар «сигнал тўппончасидан ёруғлик сигналларини берган».
«Қўлида бир марта бўлса-да сигнал тўппончаси ёки янги йил мушакларини ушлаган одам биладики, бу воситалар самолётга ҳеч қандай хавф туғдира олмасди», — деди флот вакили.
Аввалроқ Украина мудофаа вазири Степан Полторак 1 февраль куни тонгда «Россия томонидан эгаллаб олинган бурғилаш миноралари» томонидан Украинанинг машғулот парвозини амалга ошираётган Ан-26 самолёти ўққа тутилганини маълум қилган эди.
Вазир самолётнинг ўқ билан тешилган фюзелажи суратларини ҳам эълон қилган эди. Бурғилаш платформаларининг эгаси ҳисобланган «Черноморнефтгаз» компанияси вакили эса «мазкур вазият ҳақида биринчи марта эшитаётгани»ни айтиб ўтган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)